IMG_2571_edited.jpg

OUR STATEMENT

Panagtuloy ti Wesleyan a Sirmata:
Maysa nga Awag ti Kinasanto

Babaen iti aglaplapusanan a parabur ti APO DIOS A MANNAKABALIN AMIN (2 Cor. 9:14-15), binuangay ni John Wesley ti Tignay Metodismo sadiay Inglatera tapno umadu dagiti tattao nga agbabawi kadagiti basolda ket suroten ken ipangpangrunada ti kinasanto babaen kadagiti aramid ti naindisiplinaan a panagtulnog (Mat. 3:7; 4:17; 5:48). Nakitana ti dakkel a potensial kadagiti tattao, ti pagbalinanda babaen iti panangibiagda ken Jesus babaen iti mangpasanto a pannakabalin ti Espiritu Santo (Rom. 8:13, Gal. 5:16-17). Ngarud, daytoy ti gapu a ti pakabuklan ti doktrina ti panakapasanto mailawlawag ken makita babaen iti kinasiasino ken aramid ti Metodista (1 Thes. 5:23-24; 1 Jn. 4:16-17). Kasta met, iti Amerika, dagiti Obispo a da Francis Asbury ken Thomas Coke natiliwda no ania ti adda iti barukong ti Metodismo idi improklamarda idi 1796: “Ti kangrunaan a panggepmi ket maitag-ay ken mapagtalinaed a nasantoan ken agkaykaysa a tattao. Kinasanto ti panggepmi, saan a ti kinaadu, ketdi ti pasetda kas maadda kadakuada ti pudno a prinsipio ti sibibiag a relihion.”  (1 Pet. 1:3; 14-16)


Ti Metodismo iti Pilipinas mano a dekada sakbay ti Maikadua a Gubat iti Lubong dimmakkelda iti kasta a sirmata. Dagiti mangaskasaba a Pilipino ken dagiti Misyonero nga Amerikano intag-ayda ti kinasanto babaen iti inawaganda a “culto ng pagbabagong buhay” (mangbalbaliw iti biag a panagtitipon) wenno “culto Pentecostal” (Pentecostal a panagtitipon).  Gagangayen a maimatangan kadagitoy a panagtitipon nga adda dagiti nabalbaliwan a tattao manipud iti kinamanagbasolda ket inibbatanda ti kinamammallot ken kinabartekda wenno insukoda dagiti sigarilyo ken momma iti altar. Adda met dagiti agtiptipon a saan pay laeng a nagkasar ti nagpakasar. Gapu iti daytoy, nakakaskasdaaw ti daras a panagdakkel ti Metodismo kabayatan iti daytoy a panawen agsipudta dagitoy a panagbalbaliw itestimonioda ti kababalin a mangipaay iti panagbalbaliw wenno panakapaspasayaat ti biag dagiti tattao babaen ti pannakabalin ti Espiritu Santo (Mat. 3:8; Eph. 4:11-13; 2 Cor. 5:17).

 

Kas kadagiti kapuonantayo a Metodista, uray datayo tarigagayantayo nga itultuloy ti isu met laeng a sirmata iti kinasanto babaen iti Biblia agpaay iti henerasiontayo (Jud. 1:3-4). Sipapasnektayo a mangikarkararag iti panangidalan ti Dios no kasano a mapagtalinaedtayo iti kinapudno iti kinasiasinotayo kas Metodista babaen kadagiti agdama a mapaspasamak iti United Methodist Church, nga isu ti nangkarit kadatayo nga agkararag agpaay iti panakalawlawag. Kas ilawlawagtayo ti mailaylayat a panagsisina ti denominasiontayo wennno “graceful separation” babaen iti naisingasing a “Protocol of Reconciliation and Grace through Separation and Restructuring,” inayontayo dagiti timektayo kadagiti adu a panagsasarita maipanggep iti global a koneksiontayo kas agturongtayo iti General Conference 2022. Ngarud, kas agkaykaysa a timek, sipapakumbaba nga ideklarami dagiti sumaganad:


1. Suportaranmi iti amin a pusomi ti panakabukel ti  Global Methodist Church (GMC) kalpasan a ti General Conference aprobaranna ti “Protocol of Reconciliation and Grace through Separation and Restructuring,” ken am-ammo pay kas Feinberg Protocol, nga isu ti mangbuangay iti dalan para iti graceful separation iti United Methodist Church. Saan koma a maawagan daytoy iti panakaisina ketdi kas panangipakita iti impaay ti Dios a wayawaya ken karbengan iti takdertayo kabayatan a mapaspasamak ti panag-adal iti General Conference. Ti GMC sirmataenna iti “naikomit ken Jesu-Cristo kas Apo, ti turay ken panakabalin ti Nasantoan a Surat, ti trabaho ti Espiritu Santo iti panakaiwarnak ti Nadiosan a kinapudno, parabur, panakabalbaliw, ken kinasanto kadagiti amin a tattao nga agbabawi ken agbalbaliw” kas nailanad iti “Atlanta Statement.”  Daytoy a deklarasion ket napirmaan idi Marso 2020 babaen kadagiti pangulo ken walo nga Obispo ti United Methodist Church,pakairamanan ni  Bishop Pedro Torio iti Baguio Episcopal Area iti Pilipinas. To view the statement, please see here. For more information about the GMC, please see here.

Statement Summary 3.png

2. Kas ur-urayentayo ti pangngeddeng ti General Conference’s iti  Feinberg Protocol, agtultuloy nga agbalinkami a napudno a kamkameng ti the United Methodist Church   ken itultuloymi ti kinapasnekmi a mangsuporta kadagiti ministeryona. Tubngarenmi met dagiti aniaman a nasapa a panakisina, ken itandudomi ti panagkaykaysa kas urayenmi ti General Conference  ken agtultuloy ti panagministeryomi kadagiti tattao kabayatan iti pandemic.  Maawanmi a ti panangi-endorsomi ti panakabukel ti baro a global Methodist body ket mabalin a mapagbiddutan kas kinakurang iti kinapudnomi iti United Methodist Church, ti iglesia a nangpadakkel kadakami iti Nacristianoan a pammati ken aw-awaganmi kas naespirituan a pagtaenganmi manipud panakaipasngaymi. Numan pay kasta, kitaen laeng koma daytoy kas wagas iti panakipasetmi iti proseso ti panangad-adal ken panangikarkararag iti sibubukel a global United Methodist connection nga agdaldalan iti naglabas a lima a tawen no palubosan kadi ti same-sex marriage ken ti ordination dagiti tattao nga adda iti same-sex relationships. Mamatikami nga impaay ti Dios daytoy a karbenganmi a makipaset iti proseso ti panagadal ken panagkarkararag ket awan ti mapawilan iti panangaramid iti daytoy uray sadino a grupo ti pakaikamkamenganna (Rom. 2:15; 9:1). Namnamaenmi ti panaka-aprobar ti naisingasing a Feinberg Protocol, a mangbuangay iti dana para iti graceful separation ti United Methodist Church. Ti Feinberg Protocol, iti agdama a kasasaad, addaan iti aglaplapusanan a suporta manipud kadagiti lidertayo kasta met kadagiti traditionalist ken progressive a grupo iti denominasiontayo. No butosan ken aprobaran ti General Conference daytoy, tarigagayanmi laeng nga iwanwan dagiti indibidwal ken kongregasion iti Pilipinas a saanda a kayat a maitipon kadagiti liberal a post-separation United Methodist Church.

3. Kas Pilipino a Metodista a mangitantandudo ken mangipangpangruna iti bileg ti Nasantoan a Surat (2 Tim. 3:16), naikomitkami iti panankapagungar ti Metodismo iti Pilipinas (Rev. 2:4-5). Kasta met a mamatikami a ti panakapalubos ti same-sex marriage ken ti ordination dagiti adda iti same-sex relationships iti the United Methodist Church ket maysa kadagiti adu a sintoma a mangitudo no kasanon ti kaadayo manipud iti espiritu ti Wesleyan revival ken ti sirmata iti kinasanto iti biag ken puso. Gapu daytoy iti panagkurang iti panangibiag a naespirituan, panangsaluad ken panangitandudo iti doktrina kadagiti iglesia a makagapu met iti saan a malappedan a panagpanaw dagiti Metodista, kangrunaanna dagiti agtutubo, ket umalisda kadagiti dadduma nga evangelical denominations iti pagilian. Ngarud, sirmataenmi ti panakaipasngay ti baro a denominasion ti Metodista a saan laeng a manggibus iti daytoy a panagpanaw ngem kasta met a mangisangpet kadagiti baro a tattao iti mangisalakan a parabur ni Jesu- Cristo (Mat. 28:18-20). Adda namnamami a maisublimi ti Napnoan Espiritu a tarigagay dagiti kapuonan a Metodista iti British Isles ken North America ken dagiti kapuonan a Filipino Methodist kabayatan iti panakairuam kadagiti baro a wagas ti panagebanghelio ken panagdisipulo kadagiti tattao nga agturong iti ladawan ni Cristo iti maika-21 a siglo. Iti ababa a sarita, namnamaen ken ikarkararagmi ti panakabukel ti baro a denominasion ti Metodista a saan met a talaga a baro ngem ketdi ti napudno a panakaituloy iti orihinal a sirmata ti Metodismo a “mangiwarnak iti kinasanto babaen iti Nasantoan a Kasuratan iti amin a paset ti daga”

 

4. Kayatmi a saankami a mairaman kadagiti proposals a panakabukel ti estraktura ti regional kas outlined in the Christmas Covenant wenno maipada a plano, a no sadino mabalin a dagiti rehion ti agdesision kadagiti polisia maipanggep iti human sexuality ken standards ti ordination. Daytoy a rehional nga estraktura ket agresulta iti saan a panagkaykaysa iti doktrina agsipudta tunggal conferensia rehional ket maaddaan iti wayawaya ken nagduduma a panakailawlawag iti ibagbaga ti Biblia maipanggep iti  human sexuality. Numan pay kasta, natibker ti pammatimi iti Nadiosan a kinapudno, kas naipakaammo iti Biblia, ket saan a mabalbaliwan.  Isu latta nga isu, iti uray ania a rehion wenno lokasion. Saanmi a kayat ti agbalin a paset iti maysa a denominasion nga awan iti nagkaykaysa a takder iti maysa a saludsod a nalawag met a teolohikal. Tubngarenmi ti aniaman a panggep a mangbaliw kadagiti kinapudno nga ibagbaga ti Biblia maipanggep iti human sexuality, wenno ipangpangrunada pay dagiti panagbaliw iti kultura wenno tarigagayan ti sosiedad ngem ti kinapudno manipud iti Sao ti Dios (Rom. 12:1-2).   Saanmi met nga awaten dagiti aniaman a panangikagumaan iti panagkaykaysa ti iglesia ngem mapukaw met ti kinasantona. Agsipudta idi nagkararag ni Jesus iti Amana tarigagayanna nga “agmaymaysada koma” (Jn. 17:11), inkararagna met, “pasanotoem isuda babaen iti kinapudno” (Jn. 17:17).

5. Saanmi nga ilaksid dagiti tattao a binigbigda a pasetda iti LGBTQ, ket sirsirmataenmi ti agbalin nga iglesia a mangawat kadakuada kas maysa a managayat a komunidad (Mic. 6:8; Mat. 22:36-40).  Mamatikami a natay ni Jesu-Cristo agpaay iti amin ken kasta met ti parabur ti Dios- mangiliklik (2 Tim. 1:9-10), mangbalbaliw (Jn. 16:8), mangpalinteg (Eph. 2:8), ken mangpasanto (Rom. 8:13)—ket agpaay iti amin.  Kasta met a kondinarenmi ti aniaman nga aramid a mangibaba kadagiti kameng ti LGBTQ wenno mangilaksid iti pategda kas tao a naparsua iti langa ti Dios. Ngarud, mamatikami a ti parabur ti Dios ket saan a sinsinan a parabur. Sikakararag ken sinanama kami a siasinoman a mangitulag iti bagbagida iti komunidadmi kas mamati ket agbabawi ken umadayo kadagiti basol, ipalgakda ti pammatida ken Jesus, ken makipagnada iti salinong ti mangpagsanto a pananakabalin ti Espiritu Santo.  Itakdermi a ti pinarsua ti Dios a panagkasar ket agpaay laeng iti lalaki ken babai kas nalawag nga ibagbaga ti Biblia ken ti Nacristianoan a tradisyon (Gen. 1:26-27; 2:7, 21-24). Mamatikami nga inawagannatayo ni Cristo nga agbiag a nasantoan ken iparitna dagiti aniaman nga aramid nga addaan makadadael nga epekto kadagiti tattao, sosiedad, ken ti lubong  (1 Cor. 3:16-17).

 

6. Kamaudiananna, ikarkararagmi ti maysa a naingayyeman, nasayaat, ken addaan kappia a panagsina a mangwayawaya kadatayo para iti baro a posibilidad (Acts 15:36-41). Ti nabayagen a panagsusuppiat maipanggep iti same-sex marriage ken ti ordination dagiti addaan iti same-sex relationships a nangiturong kadagiti United Methodists a mangpasakit iti tunggal maysa ken nanglapped kadakuada iti panagsaksida iti lubong. Masapul a maisardengen daytoy. Adda pagsayaatan ti panagsina iti dalan,  ti Feinberg Protocol  ipaayna ti wagas kadatayo nga aramiden daytoy nga addan kappia iti tunggal maysa. Mamatikami a ti panagsisina isu ti mangwayawaya kadatayo manipud iti panagduduma ken sakit ti nakem ken makatulong tapno ibiagtayo ti pakabuklan a potensialtayo kas tattao a maawagan iti Metodista iti Pilipinas iti salinong ti panangidalan ti Espiritu Santo.  Saankami nga agimula iti aniaman a sakit ti nakem kadagiti siasinoman a kapamilia, gagayyem, ken kakadua a saan nga umannamong iti kapanunotanmi, tubngarenmi dagiti aniaman a saan a nacristianoan a kababalin a maiturong kadakuada (Rom. 13:8-10). Numan pay kasta, addan respeto ti saanmi a yaanamong kadakuada babaen iti ayat. No aprobaran ti General Conference ti Feinberg Protocol,palubosanmi isuda a mangbukel iti aniaman a liberal a bersion ti Metodismo a patienda a pangawagan ti Dios kadakuada. Kasta met a ti kararagmi ket wayawayaanmi ti bagimi a mangituloy iti orihinal a sirmata ti Metodismo ita ken iti masungad a kaputotan.

Babaen iti pannakabalin ti Espiritu Santo, idatonmi dagiti bagbagimi a mangitag-ay kadagiti takdermi nga adda iti ngato agbalintayo koma a “nasantoan ken agkaykaysa a tattao” a mangibiag iti awaqg kadatayo kas Wesleyan a pasurot ni Jesu-Cristo.

 

Nagpirma,

 

Dagiti nagan (dagiti kayatna laeng ti mairaman iti maikabil ditoy) ti maikabil ditoy.

[WE SHALL NOT BE POSTING THE NAMES OF SIGNATORIES UNTIL FURTHER NOTICE.]